دموع مبعثره

الإثنين يونيو 20, 2016 10:58 am

الحلقه الاولي
استيقظت ميار قبل طلوع الشمس لصلاه الفجرذهبت الي الحمام للوضوء لصلاه الفجر
ميار:صباح الخير يا بابا
عادل والد ميار صباح النور يا حبيبتي يلا علشان تصلي وتحضري الفطارلاخواتك
ميار:حاضر يا بابا
عادل:ربنا يخليكي ليا يا ميار وافرح بيكي قريب يارب مع انسان يرعي ربنا فيكي
ميار:ربنا يخليك لينا يا بابا انت مستعجل عليا كده ليه انا لسه قاعده علي قلبك شويه ياحج
عادل الاب:هههههههه ماشي يا لمضه صحي اخواتك الصبيان يسبقوني مستنيهم في المسجد
ميار:حاضر يا بابا.
صلت ميار الفجر ودخلت تصحي اخواتها الصببان ليذهبوا الي المسجد لصلاه الفجرمع والدهم
دخلت غرفه محمد وعمار
محمد محمد قوم يلا علشان تلحق الصلاه في المسجد بابا نزل المسجد يلا قبل ما يقيموا صلاه الفجر في المسجد
محمد:حاضر يا ميار انا قومت اهو بعد اذنك اكوي ليا القميص ده يا حبيبتي علشان عندي اجتماع مهم وهلبس البدله
ميار حاضر يا حبيبي عقبال بدله فرحك
محمد: ربنا يخليكي يا حبيبتي عقبال ما افرح بيكي انتي الاول يا ماما ميار وانا مش هتجوز الا لما اطمن عليكي يا حبيبتي الاول
ميار:نعم نعم ايه ده انا قولت ليك كذا مره مالكش دعوه بيا
محمد:ميار مش وقته يلا يا حبيبتي علشان الوقت انا هروح المسجد ألحق الصلاه
ميار:حاضر يا حبيبي تقبل الله
محمد :منا ومنكم ان شاء الله
خلصت مياركوي القميص وراحت تصحي عمار اصل نومه تقيل اوي عمار عمار قوم بقي علشان تصلي بابا لو جه وشافك لسه نايم هيزعق يلا قوم يا حبيبي عمار عمار مش هتقوم كالعاده لازم ادلق عليك ازازه المايه اهو بقي ودلقت المايه
عمار:ايه الغباء ده فيه حد يصحي حد كده
ميار:بطل زعيق وصوتك يكون واطي بابا زمانه راجع من المسجد وانت لسه نايم يلا قوم علشان تنزل تلحق المسجد قرب يخلص يا استاذ وبابا لو مش شافك هيزعق جامد ليك ويتعب يلا قوم ألحق الصلاه في المسجد وتيجي تفطر وتروح جامعتك علشان بابا علي اخره منك
عمار:حاضر حاضر توب علينا يا رب من الكليه دي لاني خلاص زهقت وقرفت منها
ميار:طبعا ما انت مش بتذاكر ولا ليك في المذاكره خالص يلا قوم وألحق الصلاه قبل ما بابا يجيي علي ما احضر الفطار
عمار:ميارحبيبتي انتي يا اختي
ميار:نعم فيه حاجه طبعا عايزها مدام ابتديتها كده عايز ايه
عمار:طلب بسيط ممكن تكلمني بابا يزود ليا مصروفي شويه علشان الكتب والملازم وانتي فاهمه بقي الجامعه ومصاريفها
ميار:الجامعه ومصاريفها ولا البنات ومصاريفها
عمار:والله الجامعه بنات ايه هو انا وش ذلك
ميار:حاضريا عمار يلا قوم انزل بقي علي ما اصحي دينا اختك
عمار:حاضر انا نازل اهو سلام
ميار:سلام
دينا دينا يلا يا حبيبتي علشان تصلي
دينا:حاضر يا ابله ميار انا قومت خلاص
ميار:حبيبتي يا دينا شاطره انتي الوحيده اللي بتسمعي كلامي في البيت ده انا بحبك اوي واقتربت منها لتعطي لها قبله
دينا:وانا كمان يا ابله ميار بحبك اوي انتي ماما ميار حبيبتي بابا جه ولا لسه
ميار:لسه زمانهم جايين محمد وعمار نزلوا يصلوا يلا صلي وتعالي نجهز الفطار مع بعض يا حبيبتي
دينا:حاضر يا ابله هصلي واجي اساعديك
ميار:حبيبتي يا دودو ثم ذهبت ميار للمطبخ علشان تجهز الفطار
دينا:ابله ميار اعمل ايه معاكي ناقص ايه
ميار:لا يا حبيبتي جهزي انتي الترابيزا وحطي العيش ده عليها
دينا:حاضر يا ابله
ثم رجع عادل ومحمد وعمار من المسجد بعد انتهاء الصلاه
دينا:بابا حبيبي صباح الخير
عادل:صباح النور يا حبيبتي ها صليتي الفجر ولا لسه
دينا:الحمدلله صليته يا بابا علشان ادخل الجنه
مش انت قولت ليا يا بابا ان الجنه حلوه اوي وماما فيها وانا عايزه اروح لماما علشان نفسي اشوفها
عادل:بعد الشر عليكي يا حبيبتي اوعي تقولي كده علشان ماما متزعلش منك هي فرحانه بيكي انها شايفاكي دلوقتي
دينا:بابا ازاي ماما شايفاني وانا مش شايفاها انا نفسي اشوفها واقعد معاها واحضنها وابوسها انا بشوف اصحابي بيحضنوا امهاتهم وهما داخلين المدرسه انا نفسي اكون زيهم
عادل:باكيا علي حال ابنته دينا هو انتي محتاجه حاجه يا حبيبتي مش ميار تبقي مامتك وانتي بتحبيها اوي وجنبك علطول
دينا:ايوه يا بابا بحبها اوي
عمار: ضاحكا وانا يا دينا مش زي ماما ولا انا ماليش لازمه في البيت ده
محمد:ضاحكاههههههه انت ولا ليك اي لزمه اصلا في البيت ده احنا لقيناك في الشوارع انت لقيط لقيط لقيط اطلع بره بيتي يا كلب
دينا:ههههههههههههه زي ماما لا انت زي القطه السودا
عمار:القطه السودا واطلع بره كمان هي حصلت لكده واللهي لاضربكم بقي بمضرب الدبان بتاعي
عادل:ههههههههه يلا بقي ادخلوا هاتوا الفطار وشوفوا ميار انا عايز ألحق الشغل وبطلوا هزار علشان مش هخلص منكم
جميعا: حاضر يا بابا ثم ذهبوا جميعا الي المطبخ وبينادوا عليها
ميار ميار ميار محمد بخضه يا بابا ألحق ميار ودينا بتعيط
وبكده الحلقه الاولي خلصت اتمني انها تعجبكم